...

Ukrayna parlamenti sədrinin istefası şərəfli iş və incə siyasi gedişdir

Dünya xəbərləri Materials 17 Sentyabr 2008 18:36

Trend-i buradan izləyin

Azərbaycan, Bakı, 17 sentyabr/ Trend , müxbirlər E.Tariverdiyeva, Z.Novosvitski/Ukrayna Ali Radasının spikeri Arseni Yasenyukun istefası təkcə koalisiya razılaşmasının yerinə yetirilməsi deyil, həm də ona şəxsi siyasi karyeraya başlamaq imkanı verən incə siyasi gedişdir.

"Yasenyuk üçün istefa, hər şeydən əvvəl, şərəfli iş, sonra isə siyasi addımdır", - Trend -a Qorşenin adına  Kiyev İdarəetmə Problemləri İnstitutunun direktoru Kost Bondarenko deyib.

Yasenyuk çərşənbə günü "Bizim Ukrayna"partiyası və Yuliya Timoşenko Bloku arasında ötən ilin oktyabrında imzalanmış koalisya razılaşmasının nəticəsi olaraq  istefa verib. Koalisiya, həftənin əvvəlində "Bizim Ukrayna"partiyasının getməsi ilə əlaqədar olaraq, fəaliyyətini dayandırıb. Partiya, sentyabrın əvvəlində Yuliya Timoşenko Blokunun müxalif Regionlar partiyası ilə birlikdə prezidentin səlahiyyətlərini məhdudlaşdıran qanun layihələrinə səs verməsinə etiraz əlaməti olaraq  koalisiyadan çıxıb.

Dünən koalisiyaının dağlması barədə rəsmən bildirildikdən sonra, Yasenyuk bəyan edib ki, koalisiya fəaliyyətini dayandırsa da, o, parlamentə rəhbərlik etməkdə davam edəcək.

Lakin bu gün o, bu qərarı dəyişib.

"Mən hakimiyyətə müstəsna demokratik dəyərlər və demokratik ideallarla gəlmişəm. Hakimiyyətə şərəflə gəlib, şərəflə də getmək lazımdır", - çərşənbə günü parlamentin iclasında Yasenyuk bildirib.

Siyasətçilərin fikrincə, istefa qərarı vaxtında verilib və bu istefa Yasenyukun müstəqil siyasi karyeraya başlamaq istəyi ilə bağlıdır.

Spiker Yasenyukun istefa qərarı, onun siyasi karyerasının ilk addımıdır, - Litvin Blokunun lideri Vladimir Litvin hesab edir, - Ukraynanın "УНИАН"agentliyi xəbər verib.

"Bu bəyanat perspektivə hesablanmış bəyanatdır. O, bu bəyanatı gələcək siaysi kampaniyalarda iştirak etmək üçün verib. Mənə elə gəlir ki, Yasenyuk siyasi baxımdan çox düzgün hərəkət edib", - Litvin bildirib.

Rusiyalı müstəqil politoloq Aleksandr Derqaçevin fikrincə, Yasenyukun qərarı gözlənilən idi; onun tutduğu vəzifə parlamentdə yeni koalisiyanın formalaşdırılması üzrə danışıqlarda "xırda pula çevrilib", - Reuters xəbər verib.

"Timoşenko Bloku və Regionlar partiyasinin yeni koalisiyası variantında spiker kreslosu "regionçulara", Litvin Bloku ilə koalisiyada isə, Litvinə qalır. Yasenyuk xırda pul olaraq qalır. Məhz bunun aşkar olmaması üçün, o, istefaya getmək qərarına gəlib", - Derqaçev qeyd edib.

"Bizim Ukrayna"partiyası və Yuliya Timoşenko Bloku razılaşmasında, koalisiya fəaliyyətini  dayandıracağı halda, onun birinci şəxsləri - Radanın rəhbəri və Baş nazirin istefya gedəcəyi ilə bağlı bənd olub. Lakin ekspertlər Timoşenkonun Yasenyukun hərəkətini təkrarlaycağına şübhə ilə yanaşırlar.

Parlamentin spikeri sözünün üstündə durub., - Bondarenko hesab edir. İndi görək Baş nazir necə hərəkət edəcək. Timoşenko dünən bildirib ki, onun fikrincə, hökumət işləməlidir və buna görə də, onun koalisiya razılaşmasına əməl edəcəyi inandırıcı görünmür.   

Ötən il imzalanmış koalisiya razılaşması hüquqi sənəddən çox, centlmen xarakterli olub. Buna görə də, Timoşenkonun hökumət rəhbəri vəzifəsindən istefaya getməsi, hüquqi baxımdan məcburi deyil.

Xəbər lenti

Xəbər lenti