Makedoniyada prezident seçkilərinin ikinci turuna start verilib. Dövlət başçısı postuna iki namizəd var: iqtidarda olan Makedoniya Milli birlik Demokrat Partiyasının namizədi Georgi İvanov və Makedoniyanın Sosial-demokratik ittifaqının nümayəndəsi Lyubomir Frçkovski.
Namizədlərin baxışlarında əsas ziddiyət Yunanıstanla münaqişənin nizamlanması ilə bağlıdır. Bəlli olduğu kimi, Yunanıstan Makedoniyanın NATO-ya qəbulunu rədd edib. Frçkovski Afina ilə kompromis axtarmağın tərəfdarıdır, İvanov isə daha sərt mövqeyin sərgilənməsini istəyir.
RBK-nın məlumatına görə, səsvermənin birinci turu bu ilin martın 22-də baş tutub. İvanov daha çox səs toplasa da, bu seçkilər qalibi müəyyənləşdirməyib.