Qazaxıstan, Astana, 18 avqust / Trend , müxbir K.Konırova /
"Qazaxıstan Prezidenti Nursultan Nazarbayevin Rusiya Federasiyasının Prezidenti Dmitri Medvedevlə telefon danışığı olub", - Ak-Ordanın mətbuat xidməti məlumat verir.
"Dövlət başçıları qarşıdakı Qazaxıstan və Rusiyanın regionlararası əməkdaşlıq forumu çərçivəsində Orenburqda yüksək səviyyəli görüşün gündəliyi, həmçinin ikitərəfli münasibətlərin inkişafı üzrə bir çox məsələləri müzakirə ediblər", - dövlət başçısının press-relizində qeyd olunur.
Məlumatda deyilir ki, söhbət zamanı Aktauda Azərbaycan, Qazaxıstan, Rusiya və Türkmənistan prezidentlərinin qeyri-rəsmi görüşünün keçirilməsi barədə ilkin razılıq əldə olunub. Bu görüş zamanı dövlətlərarası münasibətlərin inkişafı və Xəzəryanı dövlətlərin qarşılıqlı fəaliyyət məsələləri, həmçinin Xəzər dənizinin statusu üzrə danışıqlar prosesinin gedişi müzakirə ediləcək.
Məqalə müəllifi ilə əlaqə ünvanı: [email protected]
