İranda 41 vətəndaş, o cümlədən İran İnqilab Keşikçiləri Korpusunun (Sepah) iki generalının ölümü ilə nəticələnən terror aktı ilə bağlı məsuliyyəti Cundollah şəbəkəsi öz üzərinə götürüb.
Cundollah-ın rəsmi saytında bəyan edilib ki, "bu şəbəkənin üzvu olan Əbdulvahid Məhəmmədi Səravanı öz üzərindəki bombanı partladaraq, Sepah-ın piyada qüvvələri rəhbərinin müavini general Nurəli Şuştəri və Bəluçistan əyalətində fəaliyyət göstərən Səlman qərargahının baş komandarı general Məhəmmədzadə və digər Sepah üzvlərini öldürüb".
Sepah-ın bəzi yüksək vəzifəli şəxsləri İranın Bəluçistan əyalətində keçirilən "Şiə-sünni arasında barışıq" tədbirinəd iştirak eydikləri zaman onlara qarşı terror aktı törədilib. İranın Mehr agentliyinin oktyabrın 19-da yaydığı məlumata əsasən, İran Prezidenti Pakistandan tələb edib ki, İranla sərhəd regionlarında Cundollah-ın fəaliyyətinə mane olsun və bu şəbəkənin Pakistan həbsxanalarında saxlanılan üzvlərini Tehrana təhvil versin.
Cundollah hakimiyyətdən sünni məzhəbli bəluç xalqının hüquqlarının qorunmasını tələb edir. İran bu təşkilatı terrorçuluqda ittiham edir.