İranın nüvə proqramı və insan hüquqlarına dair vəziyyət Qərb ölkələrinin İrana qarşı durması üçün yalnız bəhanədir. İran Prezidenti Mahmud Əhmədinejat Tehranda İran İslam İnqilabının 31-ci ildönümünün qeyd olunması ilə əlaqədar keçirilən mitinqdə bildirib. Bu barədə İRİNN telekanalı xəbər verir.
İranın Mehr Agentliyinin xəbər verdiyi kimi, mitinq eyni vaxtda İranın 818 şəhər və qəsəbəsində, dörd min kəndində keçirilir.
Yeddi şəhər prospektləri üzrə mitinq keçirənlər Azadlıq meydanı istiqamətinə hərəkət edirlər. Mitinqdə "İslam Respublikası üçün Müstəqillik, Azadlıq!", "Amerikaya ölüm!", "İsrailə ölüm!" şüarları səsləndirilir.
Qərbin İranla qarşıdurması ilə əlaqədar Əhmədinejat iki səbəb - İranın uzun əsrlərdən bəri qlobal proseslərə təsiri və Yaxın Şərqdəki mərkəzi strateji vəziyyəti göstərib.
"Yaxın Şərq ən həssas, dünyanın ən nüfuzlu regionudur və buna görə də bu regionu idarə edən dünyanı idarə edir", - Əhmədinejat bildirib.
"Yaxın Şərqdə zəngin enerji resurslarına nəzarət dünyanı idarə etmək üçün vasitədir", - o qeyd edib.
Buna görə də Qərb nüvə silahını və insan hüquqlarının vəziyyətini bəhanə gətirərək İrana qarşı durur, çünki İranda davam edən proseslər bütün dünyaya təsir edir.
"İran xalqı yüzilliklər boyunca İslam, elm və sivilizasiyada lider olub və dünyanın bir çox regionlarında öz mədəni təsirini qoruyub saxlayıb. Buna görə də İrandakı proseslər bütün dünyaya təsir edir", - Əhmədinejat deyib.
Prezidentin sözlərinə görə, hazırda İran, iqtisadi inkişaf səviyyəsinə görə dünyanın on ikinci ölkəsi olmağa imkan verəcək proqram üzərində işləyir.
"İran lazer texnologiyasında böyük irəliləyişlər əldə edəcək, yaxın zamanlarda texnologiya kütlə üçün əldə edilə bilən olacaq. Lazer texnologiyasının inkişafı İranda bütün sahələrdə elmi inqlaba gətirib çıxarır", - prezident deyib.
"Bu gün İran xalqı elm sahəsində Allahın köməyi ilə elə yüksəkliyə nail olub ki, dünyada heç bir qüvvə ona qarşı dura bilməz", - prezident əlavə edib.