Qazaxıstan Prezidenti Bakıda Xəzəryanı ölkələrin dövlət başçılarının sammitində iştirak edəcək - XİN
Qazaxıstan Prezidenti Nursultan Nazarbayev Bakıda Xəzəryanı ölkələrin dövlət başçılarının sammitində iştirak edəcək. Bu barədə Qazaxıstan Xarici İşlər Nazirliyinin rəsmi nümayəndəsi Əsgər Əbdrəhmanov məlumat verib. Bu barədə "QazTAQ" yazıb.
"Noyabrın 18-də Bakıda Qazaxıstan, Azərbaycan, İran, Rusiya və Türkmənistan prezidentlərinin iştirak edəcəyi Xəzəryanı ölkələrin dövlət başçılarının üçüncü sammiti keçiriləcək", - Əbdrəhmanov bazar ertəsi brifinqdə deyib.
Onun sözlərinə görə, sammit zamanı Xəzərin hüquqi statusu, eləcə də sahilyanı dövlətlərin əməkdaşlığının digər aktual aspektləri, o cümlədən dənizdə təhlükəsizliyin təmini ilə əlaqədar fikir mübadiləsi aparılması planlaşdırılır.
