Azərbaycan, Bakı, 22 dekabr /Trend müxbir D.Xatınoğlu/
İran Prezidenti Mahmud Əhmədinejad dekabrın 23-də Ermənistana səfər edəcək. Trend-in İranın İRNA agentliyinə istinadən verdiyi məlumata görə, bu barədə cümə axşamı Ermənistanın Tehrandakı səfiri Qriqor Arakelyan deyib.
Əhmədinejad Ermənistana bu ölkənin prezidentinin dəvəti ilə səfər edəcək. Bir və ya ikigünlük səfər zamanı İran-Ermənistan münasibətləri müzakirə ediləcək.
"İranla Ermənistan arasında mal dövriyyəsi 2011-ci ildə 2010-cu ildəki 270 milyon dollardan 300 milyon dollara yüksəlib", - səfir vurğulayıb.