Azərbaycan, Bakı, 14 Fevral /Trend/
Danimarkanın paytaxtı Kopenhagendə baş verən atışma nəticəsində bir nəfər ölüb və üç nəfər xəsarət alıb.
Trend İnterfax xəbər portalına istinadan məlumat verir ki, hadisə kafirlik haqda debatların keçirildiyi kafenin yanında baş verib. Tədbirdə Məhəmməd Peyğəmbərə (s.ə.a.s) çəkdiyi karikaturalarla məşhur olan İsveçli karikaturaçı Lars Vilks iştirak edirdi.
Verilən məlumata əsasən, 40-a yaxın atəşin açıldığı atışma nəticəsində Vilks xəsarət almayıb.