...

Əli Xamneyi: İranın əsas məqsədi bütün xalqlarla əməkdaşlıq etməkdir

Dünya xəbərləri Materials 1 Dekabr 2015 15:40 (UTC +04:00)
İranın ali lideri Ayətullah Seyyid Əli Xamneyi Macarıstanın Baş naziri Viktor Orbanla görüşüb.
Əli Xamneyi: İranın əsas məqsədi bütün xalqlarla əməkdaşlıq etməkdir

Trend-i buradan izləyin

Bakı. Təmkin Cəfərov - Trend:

İranın ali lideri Ayətullah Seyyid Əli Xamneyi Macarıstanın Baş naziri Viktor Orbanla görüşüb. Bu barədə Trend ali liderin rəsmi saytı Leader.ir-ə istinadən məlumat verir.

İki ölkə arasında əlaqələrin və əməkdaşlığın müxtəlif sahələrinə toxunan Ə.Xamneyi bildirib ki, Macarıstanın yürütdüyü "Asiyaya baxış" siyasəti düzgün siyasətdir və əməkdaşlığın genişlənməsinə təkan verə bilər.

Ayətullah İran İslam Respublikasının əsas məqsədinin bütün xalqlarla əməkdaşlıq etmək olduğunu deyib. O, əməkdaşlığın əsası kimi xalqlar və dövlətlər arasında qarşılıqlı anlaşmanın vacibliyi barədə Macarıstan Baş nazirinin sözlərini təsdiq edərək vurğulayıb ki, iqtisadi, elm, təhsil və mədəni əməkdaşlığın qurulması üçün baza yaradılmalıdır.

İranın ali lideri bir çox düşmənçiliklərin və intiqamın qaynağını düzgün və qarşılıqlı anlaşmanın olmaması ilə əlaqələndirərək bildirib ki, bu gün dünyaya hakim kəsilən təbliğat mühitində reallıqlar təhrif edilir və bu ab-hava insanlığın və bəşəriyyətin ziyan çəkməsi ilə nəticələnir.

Ə.Xamneyi İslam və xristian dünyası arasında yaxşı və mehriban dialoqun aparılmasına toxunaraq deyib ki, mütəfəkkirlər arasında dialoq və görüşlərin keçirilməsi münasibətlərə müsbət təsir göstərir, buna görə də İran fikir mübadilələrini alqışlayır.

Məqalədə:
Xəbər lenti

Xəbər lenti