Bakı. Trend:
Rusiya ilə və ABŞ-ın rəhbərlik etdiyi beynəlxalq koalisiya ilə razılıq əldə olunacağı təqdirdə, Türkiyə Suriyanın Rakka şəhərinin İŞİD terror qruplaşmasından azad edilməsi əməliyyatında iştirak edə bilər.
Trend-in məlumatına görə, bunu Türkiyə Prezidenti Rəcəb Tayyib Ərdoğan deyib.
Dövlət başçısı qeyd edib: "Biz Əl-Babın azad edilməsini başa çatdırdıq. Əgər koalisiya həqiqətən də İŞİD-lə mübarizə aparmaq istəyirsə, onda, gəlin, Rakkanı azad edək".
R.T.Ərdoğan bildirib ki, Türkiyənin Suriyada qalmaq məqsədi yoxdur:
"Türkiyə Silahlı Qüvvələri "Fərat qalxanı" antiterror əməliyyatı başa çatandan sonra Suriyada qalmaq niyyətində deyil".