Bakı. Rufiz Hafizoğlu - Trend:
Yunanıstanın Rodos adasına qeyri-leqal yolla keçmiş 17 Türkiyə vətəndaşı Afinadan sığınacaq tələb edib.
Trend-in məlumatına görə, bu şəxslər Fəthulla Gülən hərəkatına mənsub olmaqda şübhəli bilinir.
Məlumatda qeyd olunur ki, onların arasında 5 müəllim də yer alır.
Türkiyə hökumətinin həmin şəxslərin geri qaytarılması məqsədilə Yunanıstan rəhbərliyinə müraciət edəcəyi gözlənilir.
Türkiyə mətbuatının məlumatına görə, hazırda Yunanıstanda Fəthulla Gülən hərəkatına mənsub olmaqda şübhəli bilinən 500-ə yaxın Türkiyə vətəndaşı var.