Bakı. Trend:
İraqın Səlahəddin vilayətində terror hücumu baş verib.
Trend-in məlumatına görə, elektrik stansiyasına edilən hücum nəticəsində stansiyanın 6 əməkdaşı ölüb.
İraqın elektroenergetika nazirliyinin açıqlamasında bildirilir ki, stansiyaya hücum edən 4 terrorçu-kamikadzedən ibarət qrupun bir üzvünü zərərsizləşdirmək mümkün olub. Digər 3 kamikadze isə partlayıcıları işə salıblar. Hazırda vəziyyətin nəzarət altında olduğu deyilir.
BMT-nin hesablamasına görə, İraqda təkcə avqust ayında 125 dinc sakin terrorun qurbanı olub, 188 nəfər xəsarət alıb.