Bakı. Trend:
Rusiyanın Leninqrad vilayətində hərbi poliqonda partlayış baş verib. Trend-in məlumatına görə, bu barədə Qərb Hərbi Dairəsinin mətbuat xidməti xəbər yayıb.
Məlumata görə, partlayış nəticəsində 1 hərbçi ölüb, daha 5 hərbçi yaralanıb.
Yaralılar dərhal xəstəxanaya yerləşdirilib.
İnsident yerli vaxtla saat 12:30 radələrində planlaşdırılmış tank atışmaları zamanı baş verib.
Məlumata görə, tank mərmilərindən biri trayektoriyadan yayınıb və 6 hərbçinin olduğu yerin yaxınlığına düşərək partlayıb.