Bakı. Trend:
Əfqanıstanın Kunar və Nanqahar əyalətlərində azı 16 "Taliban" və İŞİD terrorçusu məhv edilib.
Trend-in "Xinhua" agentliyinə istinadən verdiyi məlumata görə, 2 İŞİD üzvü NATO PUA-nın Nanqahar əyalətinə endirdiyi hava zərbəsi nəticəsində məhv edilib.
Nanqahar əyalətinin Hocani rayonunda keçirilən xüsusi əməliyyat zamanı 4 "Taliban" üzvü məhv edilib, 8-i isə yaralanıb.
Kunar əyalətinin Qazi Abad rayonunda terrorçuların hücumunun qarşısı alınarkən 10 "Taliban" terrorçusu məhv edilib.