Bakı. Elnur Bağışov - Trend:
Güclü duman səbəbindən İranın Əhvaz Beynəlxalq Hava limanında ötən gecədən indiyədək 21 uçuş ləğv edilib və 3 uçuşda ləngimə yaranıb.
Trend-in məlumatına görə, bunu İranın Xuzistan vilayəti aeroportlarının baş direktoru Məhəmməd Rza Rzayi deyib.
Onun sözlərinə görə, ötən gecə saat 19:00-dan Əhvaz rayonunda güclü duman var və bu, uçuşlara təsir göstərib.
Rzayi əlavə edib ki, Əhvazda görmə üfüqü hazırda təxminən 100 metrdir və uçuş üçün münasib şərait yoxdur.