Bakı. Trend:
Meksikada boru kəmərində baş verən partlayış nəticəsində həlak olanların sayı 114-ə çatıb. Daha öncə 109 nəfərin öldüyü bildirilirdi.
Trend-in məlumatına görə, bunu ölkənin Səhiyyə Nazirliyi bildirib.
Nazirliyin məlumatına görə, paytaxt xəstəxanalarında daha 33 nəfər qalır, xəsarət alanlardan 3-ü Texasda müalicə alır. Son məlumatlara əsasən, yanıqların yetirdiyi zədələrdən 46 nəfər dünyasını dəyişib.
Xatırladaq ki, yanvarın 18-də İdalqo ştatının Tlauelilpan rayonunda icazəsiz qoşulmalara görə yaranan yanacaq sızması nəticəsində partlayış baş verib.