Bakı. Trend:
Kanadanın Britaniya Kolumbiyası vilayətində sərnişin avtobusu qəzaya uğrayıb.
Trend-in məlumatına görə, bu barədə "CTV" telekanalı bildirib.
Məlumata əsasən, hadisə Vankuver adasında Port Alberni və Bemfild yaşayış məntəqələri arasındakı magistral yolda baş verib.
Naməlum səbəbdən avtobus yoldan çıxaraq aşıb. Avtobusda 40 nəfər olub, onlardan ikisi ölüb, daha üçünün vəziyyəti ağır və kritikdir. 35 sərnişin yüngül xəsarətlərlə xəstəxanaya aparılıb.