Bakı. Trend:
Yaponiyanın baş naziri Şinzo Abe və ABŞ prezidenti Donald Tramp telefon danışığı zamanı Koreya Xalq Demokratik Respublikasının ətrafındakı vəziyyəti müzakirə ediblər.
Trend-in "TASS"a istinadən verdiyi məlumata görə, bu barədə Ş.Abe telefon danışığının yekunları üzrə jurnalistlərə açıqlamasında deyib.
Yaponiyanın baş naziri bildirib: "Biz Şimali Koreya ətrafındakı mövcud vəziyyəti təhlil və gələcək fəaliyyətlərimizi müzakirə etdik".
Ş.Abe həmçinin Phenyanın hazırkı siyasətini tənqid edib: "Nüvəsizləşdirilmə üzrə dialoq yolu ilə işləmək lazımdır".