Bakı. Trend:
İtaliyada son sutka ərzində yeni növ koronavirusdan (COVİD-19) daha 760 nəfər dünyasını dəyişib, ölənlərin ümumi sayı 13 915 nəfərə çatıb.
Trend-in "TASS"a istinadən verdiyi məlumata görə, bunu ölkənin Mülki Müdafiə Departamentinin rəhbəri Ancelo Borrelli deyib.
A.Borrelli bildirib: " Hazırda koronavirusa yoluxanların sayı 80 049 nəfər təşkil edir".
Onun sözlərinə görə, yoluxan şəxslərdən 4 053 nəfəri intensiv terapiya bölməsində, 28 540 nəfəri xəstəxanalarda, digərləri isə ev rejimində qalır.
Departament rəhbəri qeyd edib ki, ötən sutka ərzində 1 431 nəfər sağalıb, ümumilikdə sağalanların sayı 18 278 nəfərə çatıb.