Bakı. Orxan Nəbiyev - Trend:
İraqda beynəlxalq koalisiya qüvvələrinin istifadə etdiyi Əyn-əl-Əsəd hərbi-hava bazasına raket zərbəsi endirilib.
Trend-in məlumatına görə, Ənbarda yerləşən bazaya azı bir raket düşüb. Daha iki raket bazaya çatmamış partlayıb.
Zərbənin fəsadları və ya itkilər barədə məlumat verilməyib.
Əyn-əl-Əsəd hərbi-hava bazası paytaxt Bağdaddan 110 kilometr qərbdə yerləşir.
Qeyd edək ki, bazada ABŞ hərbçiləri yerləşdirilib.