Bakı. Trend:
Transkontinental layner Rusiyanın Krasnoyarsk şəhərinin hava limanında qəza enişi edib.
Trend-in məlumatına görə, bu barədə "İnterfaks"a hava limanının xidmətlərindən bildiriblər.
Məlumata əsasən, Antalyadan Vladivostoka uçan "Boeing 767" sərnişin təyyarəsi Krasnoyarsk üzərində olan zaman qəza enişi üçün icazə istəyib.
İlkin məlumata əsasən, təyyarənin hidravlikasında problemlər yaranıb.
Qəza enişi nəticəsind xəsarət alanlar barədə məlumat yoxdur. Təyyarədə olan sərnişinlərin sayı dəqiqləşdirilir.