Bakı. Trend:
ABŞ prezidenti Co Baydenin reytinqi 40 faizə düşüb.
Trend xəbər verir ki, bu Reuters və Ipsos-un birgə sorğusunun məlumatlarında əks olunub.
Sorğu martın 21 və 22-də onlayn rejimdə 1005 nəfər arasında aparılıb, onlardan 432-si demokratlar, 366-sı respublikaçılar partiyalarının tərəfdarı olublar.
Qeyd edilir ki, Ağ Evin hazırkı rəhbərinin reytinqi bir həftə ərzində üç faiz aşağı düşüb və hazırkı səviyyə ABŞ-ın keçmiş prezidenti Donald Trampın eyni vəzifədə olduğu dövrdə əldə etdiyi dəstək səviyyəsinə uyğundur.
ABŞ sakinlərinin əksəriyyəti iqtisadi problemlərdən, eləcə də beynəlxalq münaqişələrdən narahatdır.