Bakı. Trend:
Türkiyə prezidenti Rəcəb Tayyib Ərdoğanın sədrliyi ilə ölkənin Milli Təhlükəsizlik Şurasının iclası başa çatıb.
Trend-in məlumatına görə, görüş təxminən 3 saat 45 dəqiqə davam edib.
Milli Təhlükəsizlik Şurası Türkiyənin Qara dənizdə sülh və sabitliyin qorunması üçün Montrö Konvensiyasının icrası ilə yanaşı vasitəçilik səylərini davam etdirəcəyini bildirib:
"Türkiyənin Qara dənizin şimal hissəsində baş verən hadisələrlə bağlı tarazlaşdırıcı mövqeyi, qlobal və regional sülhə nail olmaq üçün göstərdiyi səylərin məqsədyönlülüyü son hadisələrdə özünü təsdiqləyib".