Bakı. Trend:
Koreya Respublikasının cənubundakı Könsan-Namdo əyalətinin Geoje şəhəri yaxınlığında göyərtəsində üç nəfərin olduğu helikopter qəzaya uğrayıb.
Trend "Yonhap" agentliyinə istinadən xəbər verir ki, insident Bakı vaxtı ilə təxminən saat 04:00-da baş verib.
Məlumata əsasən, "Sikorsky S-61N" helikopteri dağlardan birinin zirvəsinə tikinti materialları daşıyırmış. Helikopterdə olan üç nəfər ağır yaralansa da, sağ qalıb.
Təcili yardım xidmətləri zərərçəkənlərə bütün lazımi yardımı göstərməyə çalışır.