Bakı. Trend:
Suriyanın Deyr əz-Zor vilayətində bir qrup terrorçunun avtobusa hücumu nəticəsində 3 nəfər ölüb, ən azı 21 nəfər yaralanıb.
Trend-in məlumatına görə, bu barədə "SANA" agentliyi xəbər verib.
Məlumata əsasən, Hələbdən Deyr əz-Zora gedən avtobus vilayətin cənubundakı Əl-Şula rayonunda silahlı hücuma məruz qalıb. Ölən və yaralananlar mülki şəxslərdir.
Üç yaralının vəziyyətinin ağır olduğu bildirilib.