Bakı. Trend:
2022-ci ilin iyulunda Yaponiyanın sabiq baş nazir Şinzo Abeni öldürən 42 yaşlı Tetsuya Yamaqaminin işi silah alveri ilə bağlı qanunu pozmaqda əlavə şübhəsi ilə prokurorluğa göndərilib.
Trend-in məlumatına görə, bu barədə "Kyodo" agentliyi xəbər verib.
T.Yamaqami həbs edildikdən sonra o, müayinəyə göndərilib, bu zaman onun fəaliyyət qabiliyyətinin müəyyən edilməsi üçün psixiatrik ekspertiza aparılır.
Yoxlama proseduru yanvarın 10-da başa çatacaq, bundan sonra prokurorluğun onu qətldə və silah alveri haqqında qanunu pozmaqda ittiham edəcəyi gözlənilir.