Bakı. Trend:
Qərbi Afrika İqtisadi Birliyinə (ECOWAS) üzv ölkələrinin dövlət başçıları Nigerdə "mümkün qədər tez" hərbi əməliyyata başlamaq barədə razılığa gəliblər.
Trend-in məlumatına görə, bu barədə Kot-d'İvuarın prezidenti Alassan Uattar deyib.
"Təfərrüatları yekunlaşdırmaq üçün Baş Qərargah rəislərinin daha bir neçə görüşü olacaq, lakin biz dövlət başçılarının əməliyyata mümkün qədər tez başlamaq barədə razılığa gəldik", - deyə o bildirib.
Qeyd edək ki, iyulun sonlarında Niger Prezident Qvardiyasının hərbi qrupu qiyam qaldıraraq prezident Məhəmməd Bazumu istefaya göndərdiyini elan edib. Ölkəni idarə etmək üçün qvardiya komandiri Əbdürrəhman Çianinin başçılığı ilə Vətənin Qurtuluşu Milli Şurası yaradıldı.