Bakı. Trend:
Trabzon Böyükşəhər Bələdiyyəsi, Şərqi Qara Dəniz İnkişaf Agentliyi (DOKA), TÜBİTAK və Türkiyə Texnologiya Qrupu (T3) Vəqfinin əməkdaşlığı ilə bölgədəki Özdemir Bayraktar Elm Mərkəzi və Planetariumun inşası davam edir.
Trend-in TurkicWorld-ə istinadən məlumatına görə, 2 min 200 kvadratmetr sahədə qurulan elm mərkəzi müxtəlif yaş qruplarını bir araya gətirərək elm və texnologiyanı daha əlçatan edəcək.
Milli PUA-ların qabaqcıllarından olan Özdemir Bayraktarın adını daşıyan Planetarium və Elm Mərkəzi 90 faiz tamamlanıb və burada emalatxanalar, planet evi, həmçinin sərgi salonu var.
Məlumata əsasən, açılışın sentyabr ayında olması planlaşdırılır.