Bakı. Trend:
Böyük Britaniyada terrorçu həbsxanadan qaçıb.
Trend xəbər verir ki, bu barədə London Metropolitan Polisi məlumat yayıb.
Məlumata görə, Daniel Abed Xalif adlı 21 yaşlı keçmiş hərbçi Böyük Britaniyada terror aktlarını dəstəklədiyinə və terrorçularla məlumat paylaşdığına görə həbs olunub. Onun yük maşınının altından yapışaraq qaçdığı ehtimal olunur.
Qeyd edək ki, Xalifin qaçdığı "HMP Wandsworth" həbsxanası Böyük Britaniyanın ən böyük cəzaçəkmə müəssisələrindən biri olaraq tanınır.