Bakı. Trend:
Pakistanın Əfqanıstanla şimal-qərb sərhədi yaxınlığında yerləşən polis məntəqəsinə hücum olub, atışma nəticəsində 3 polis əməkdaşı ölüb.
Trend xarici KİV-ə istinadən xəbər verir ki, polis əməkdaşının məlumatına görə, əvvəlcə silahlılardan biri polis bölməsinin və yaşayış məhəlləsinin girişində özünü partladıb, digərləri isə içəri soxulublar.
Saatlarla davam edən silahlı atışmada hücum edənlərdən 3 nəfər öldürülüb.
Qeyd edək ki, dekabrın 12-də Pakistanın Əfqanıstanla həmsərhəd Dera İsmayıl Xan rayonunda silahlıların hücumu nəticəsində 23 Pakistan əsgəri həlak olub.