Bakı. Trend:
Böyük Britaniya enerji sektorunda biznes qurmaqla Rusiyanın dəstəyindən faydalandıqları üçün dörd gəmiçilik şirkətinə sanksiya tətbiq edib.
Trend xəbər verir ki, bu barədə Britaniya hökumətinin məlumatında qeyd edilib.
Məlumata görə, söhbət Türkiyənin “Active Denizcilik Ve Gemi Isletmeciligi Anonim Şirketi” və “Beks Ship Management And Trading Joint Stock Company”, həmçinin BƏƏ-nin “Fractal Marine Dmcc” və “Paramount Energy & Commodities SA” (Cenevrə, İsveçrə) şirkətlərindən gedir.
“Paramount Energy & Commodities SA” şirkəti ilə əlaqəli Niderland vətəndaşı Nils Oskar Troost da sanksiyalara məruz qalıb.
Nəqliyyat sektorunda iki gəmiçilik şirkəti "Azia Shipping” və “Ibex Shipping INC.” Britaniyanın sanksiyalarına məruz qalıb.