Bakı. Trend:
Rusiyanın baş naziri Mixail Mişustin bu gün Moskvada qazaxıstanlı həmkarı Oljas Bektenov ilə danışıqlar aparacaq.
Trend-in məlumatına görə, bu barədə Rusiya hökumətinin mətbuat xidməti bildirib.
Hökumət başçıları ikitərəfli ticarət-iqtisadi əməkdaşlığın cari məsələlərini, sənaye, enerji, nəqliyyat, kənd təsərrüfatı və humanitar sahələrdə birgə layihələri müzakirə edəcəklər.
Məlumata əsasən, xüsusi diqqət Avrasiya İqtisadi İttifaqı, MDB və digər çoxtərəfli formatlarda qarşılıqlı fəaliyyətin gücləndirilməsinə yetiriləcək.