Bakı. Trend:
Bassiru Diomaye Faye seçkilərin ilk turunda qalib gələrək Seneqalın yeni prezidenti seçilib.
Trend xəbər verir ki, Seneqalın Mərkəzi Seçki Komissiyasının məlumatına görə, Diomaye Faye səslərin 54,28 faizini toplayıb. Onun rəqibi Amadu Baya isə seçicilərin 35,79 faizi etimad göstərib. Digər namizəd, Aliu Mamadu Dia cəmi 2,8 faiz səs qazana bilib.
44 yaşlı Bassiru Diomaye Faye müstəqil Seneqalın beşinci və ən gənc prezidenti hesab edilir.