Bakı. Trend:
Şimali Koreya rəhbəri Kim Çen In respublikanın yaranmasının 76-cı ildönümü münasibətilə bildirib ki, ölkənin silahlı qüvvələri təhlükəsizlik maraqlarını qorumaq üçün istənilən vaxt nüvə imkanlarından istifadə etməyə hazır olmalıdır.
Trend-in məlumatına görə, onun sözlərini Koreya Mərkəzi Xəbər Agentliyi sitat gətirib.
Kim Çen In deyib ki, təhlükəsizlik vəziyyəti Pxenyanın hərbi gücünü inkişaf etdirməsini tələb edir. “Aydın nəticə ondan ibarətdir ki, ölkənin nüvə imkanları diqqətlə təmin edilməli və dövlətin təhlükəsizliyini qorumaq üçün istənilən vaxt istifadəyə hazır olmalıdır”, - deyə o vurğulayıb.
Onun sözlərinə görə, ölkəsi hazırda “nüvə başlıqlarının sayını eksponent olaraq artırmaq” siyasəti yürüdür: “Şimali Koreya məsuliyyətli nüvə dövlətidir. Nüvə silahı özünümüdafiə üçün istifadə olunur və başqaları üçün təhlükə yaratmır”, - deyə siyasətçi qeyd edib.