Bakı. Trend:
Almaniyanın Berlin şəhərinin mərkəzində çoxmərtəbəli yaşayış binasında yanğın baş verib.
Trend bu barədə xarici KİV-ə istinadən xəbər verir.
Məlumata əsasən, yanğın əvvəlcə binanın birinci mərtəbəsində yerləşən restoranda alovlanıb və sonradan binaya yayılıb.
Xilasedicilər çoxlu sayda zərərçəkənlərin olduğunu bildiriblər.
Qeyd edilib ki, yanğını söndürmək üçün yanğınsöndürmə xidmətinin 110-dan çox əməkdaşı cəlb olunub.