Bakı. Trend:
ABŞ-ın yeni seçilmiş Prezidenti Donald Trampın Ağ Evdə əsas məsləhətçiləri arasında kimlərin yer alacağı açıqlanıb.
Trend-in məlumatına görə, bu barədə Trampın keçid komandasının yaydığı bəyanatda bildirilib.
Trampın uzun müddətdir etibar etdiyi müttəfiqlərindən biri və yenidən seçki kampaniyasında baş məsləhətçisi olmuş Den Skavino prezidentin köməkçisi və Ağ Ev aparat rəhbərinin müavini kimi fəaliyyət göstərəcək.
Stiven Miller prezidentin köməkçisi olaraq Ağ Evin Siyasət və Milli Təhlükəsizlik Məsələləri üzrə aparat rəhbərinin müavini təyin edilib.
Ceyms Bleyer isə prezidentin köməkçisi, qanunvericilik və ictimai əlaqələr üzrə administrasiya rəhbərinin müavini olacaq.
Taylor Budoviç prezidentin köməkçisi, Ağ Evin kommunikasiyalar və kadrlar üzrə aparat rəhbərinin müavini kimi təyin olunub.