Bakı. Trend:
ABŞ-nin Afrika Komandanlığı (AFRICOM) qüvvələri İslam Dövlətinin (İD) Somalidəki mövqelərinə zərbələr endirib.
Trend xəbər verir ki, əməliyyat martın 29-da baş tutub və zərbələr Somali hökuməti ilə əlaqələndirilib.
Zərbələrin hədəfi Puntlend bölgəsinin Bosaso şəhərindən cənub-şərqdə yerləşən İD mövqeləri olub. AFRICOM əməliyyatın digər təfərrüatlarını açıqlamamağı qərara alıb.
Həmçinin, Semafor məlumatına görə, Somali prezidenti Həsən Şeyx Mohamud ABŞ prezidenti Donald Trampa göndərdiyi məktubda, Somaliland və Puntlend bölgələrindəki liman və aviabazaların Amerika tərəfindən idarə edilməsini təklif edib. Lakin bu obyektlər, Somali federativ orqanları tərəfindən idarə olunmur.