Bakı. Trend:
Braziliyanın Belen şəhərində keçirilən BMT-nin COP-30 iqlim konfransında 80-dən çox ölkə fosil yanacaqlardan imtina ilə bağlı yol xəritəsinin hazırlanmasını dəstəkləyib.
Trend bu barədə xarici KİV-ə istinadən xəbər verir.
Məlumata görə, COP-30 iştirakçıları olan ölkələr üçün neft, qaz və daş kömür kimi yanacaq növlərindən istifadənin dayandırılmasına dair planı müəyyənləşdirən sənədin konfransın yekununda hazırlanması təşəbbüsünü 80-dən çox ölkənin nümayəndələri dəstəkləyib.
Belə bir təkliflə Almaniya, Böyük Britaniya, İsveç, İrlandiya və Keniya nümayəndələri çıxış ediblər. Yol xəritəsi çərçivəsində COP-28 zamanı əldə olunan və ölkələrin 2050-ci ilə qədər fosil yanacaqlardan imtina etməsi barədə öhdəlik götürdüyü razılaşmanın icrasının genişləndirilməsi nəzərdə tutulur.