Bakı. Trend:
Pensilvaniya və Miçiqan universitetlərinin alimləri xarici idarəetmə olmadan proqramlaşdırıla və müstəqil şəkildə fəaliyyət göstərə bilən miniatür avtonom robotlar hazırlayıblar.
Trend xəbər verir ki, hər bir robotun ölçüsü təxminən 200 x 300 x 50 mikrometr təşkil edir ki, bu da onları duz dənəsindən belə kiçik edir.
Məlumata görə, mikrorobotlar miniatür kompüterlər və sensorlarla təchiz olunub, işıq enerjisi ilə qidalanır və mürəkkəb trayektoriyalar üzrə hərəkət edə bilirlər. Onlar temperatur dəyişikliklərinə reaksiya vermək, eləcə də davranışlarını ətraf mühit şəraitinə uyğunlaşdırmaq qabiliyyətinə malikdirlər.
Alimlərin bildirdiyinə görə, bu robotlar Selsi şkalası üzrə dərəcənin üçdə biri dəqiqliyi ilə temperaturu avtonom şəkildə ölçə bilir. Bu imkan gələcəkdə ayrı-ayrı hüceyrələrin sağlamlıq vəziyyətinin izlənilməsi üçün yeni perspektivlər açır.