Bakı. Trend:
Küveytdə yerləşən Əli əl-Salem hava bazasına pilotsuz uçuş aparatı ilə edilən hücum nəticəsində ən azı 15 amerikalı yaralanıb.
Trend xəbər verir ki, bu barədə “CBS News” iki ABŞ rəsmisinə istinadla məlumat yayıb.
Məlumata görə, pilotsuz aparatın İran ərazisindən buraxıldığı ehtimal olunur. Mənbə bildirib ki, yaralananların əksəriyyəti artıq xidmətə qayıdıb.
Bundan əvvəl İslam İnqilabı Keşikçiləri Korpusunun mətbuat xidməti açıqlama yayaraq, 98-ci zərbə dalğası çərçivəsində Küveytdəki Əli əl-Salem bazasına və İraqdakı Viktoriya düşərgəsinə hücum etdiklərini bildirmişdi.
Açıqlamada, həmçinin Təl-Əviv, Hayfa, Petah Tikva və Beer-Şeva şəhərlərinin şimal və cənub istiqamətlərində də zərbələrin endirildiyi qeyd olunub.