Britaniya höküməti RF-nin FTX-nin keçmiş zabiti Aleksandr Litvinenkonun Londonda ölümü barədə tədqiqat işlərinin gedişinə dair KİV-ə istənilən təzə məlumatın verilməsinə qadağa qoyub. O, radioaktiv maddə ilə zəhərlənib və noyabrın 23-də London xəstəxanasında vəfat edib. Bu barədə Trend xəbər verir.
Skotland Yardın rəsmi təmsilçisi bu gün İTAR-TASS-la söhbətində bəyan edib ki, "Litvinenkonun işi ilə bağlı Britaniya polisi indi heç bir şərh və informasiya verməyəcək".
Bununla belə o, inkar etməyib ki, belə qadağa kifayət qədər qeyri-adi xarakter daşıyır və məlum işin fövqəladə vacibliyinə dəlalət edir.