Bakı. Elmira Tariverdiyeva - Trend:
Rusiyanın xarici işlər naziri Sergey Lavrov iyulun ikinci ongünlüyündə Bakıya səfər edəcək.
Bu barədə Trend-ə diplomatik mənbə bildirib.
Qeyd edək ki, bundan öncə Azərbaycanın XİN rəhbəri Elmar Məmmədyarov Almaniyanın xarici işlər üzrə federal naziri, ATƏT-in fəaliyyətdə olan sədri Frank-Valter Ştaynmayerlə görüşün nəticələrinə həsr olunmuş brifinqdə S.Lavrovun Azərbaycana səfər edəcəyini bildirmişdi.
Nazir qeyd edib: "Prezidentlər səviyyəsində Dağlıq Qarabağ üzrə növbəti görüşün keçirilib-keçirilməyəcəyi onun səfərindən asılı olacaq".