Azərbaycan, Bakı, 16 iyun /Trend, müxbir Ənvər Məmmədov/
Bu gün I Avropa Oyunları çərçivəsində kişilər arasında kamandan oxatma üzrə fərdi yarışların reytinq mərhələsi başa çatıb.
Trend-in məlumatına görə, yarışların yekunu üzrə 1/32 finalın cütlükləri müəyyənləşib.
Azərbaycanlı idmançılar Taras Senyuk, Aleksey Kopnin və Roman Vengerov reytinq mərhələsinin nəticələri üzrə müvafiq olaraq, 45, 50 və 57-ci yerləri tutublar.
Bununla da, iyunun 20-də keçiriləcək 1/32 finalda Vengerov fransalı Lukas Daniellə, Senyuk lüksemburqlu Ceff Henkellə, Kopnin isə rusiyalı Bair Tsibekdorjiyevlə qarşılaşacaq.
Kamandan oxatma üzrə kişilərin komanda yarışlarında reytinq mərhələsi də başa çatıb. Azərbaycan millisi 12-ci olub. Bu gün axşam saatlarında yığmamız 1/8 finalda İtaliya ilə qarşılaşacaq.
