Azərbaycan, Bakı, 19 iyun /Trend, müxbir Maksim Tsurkov/
I Avropa Oyunları idmançılarla tamaşaçıları birləşdirən möhtəşəm yarışdır. Trend-in məlumatına görə, bunu jurnalistlərə I Avropa Oyunlarında qızıl medal qazanmış belçikalı gimnast İneke van Shoor deyib.
Onun sözlərinə görə, I Avropa Oyunlarında gözəl ab-hava var: "İdmançılar bir-birilə tanış olur və ünsiyyət saxlayırlar".
Gimnast qeyd edib ki, Bakıda əla gimnastika arenası var: "O, gimnastlar və tamaşaçılar üçün rahatdır".
