Azərbaycan, Bakı, 26 iyun /Trend, müxbir Maksim Tsurkov/
I Avropa Oyunlarında iştirak etmək tarixə düşmək fürsətidir. Bunu Trend-ə rusiyalı badmintonçu Kseniya Polikarpova deyib.
Onun sözlərinə görə, Oyunlara vəsiqə qazanmaq üçün xüsusi seçimdə iştirak edib: "Şadam ki, iki vəsiqədən birini əldə etdim. I Avropa Oyunlarında iştirak etmək və medal qazanmaq idman tarixinə düşmək fürsətidir".
İdmançı qeyd edib ki, Oyunlar yüksək səviyyədə və çox gözəl təşkil edilib.