Azərbaycan, Bakı, 15 may /Trend, müxbirlər V.İmanov, E.Mehdiyev/
Azərbaycan İctimai Televiziyasının (İTV) populyar aparıcıları Saleh Bağırov və Könül Arifqızı müsabiqənin bu telekanalda yayımı zamanı "Eurovision 2012"-nin yarımfinal və final mərhələlərini şərh edəcəklər. Bu barədə çərşənbə axşamı Trend-ə Saleh Bağırov məlumat verib.
Bağırov habelə finalda iştirakçıların Azərbaycandan topladıqları balları elan edəcək.
"Eurovision 2012"-nin aparıcıları "Eurovision 2011"-in qalibi Eldar Qasımov, İctimai Televiziyanın aparıcısı Leyla Əliyeva, eləcə də Nərgiz Birk-Petersondur.
Müsabiqənin yarımfinal turları mayın 22-də və 24-də, finalı isə mayın 26-da "Baku Crystal Hall"da keçiriləcək.