Azərbaycan, Bakı, 30 noyabr /Trend, müxbir İ.İsabalayeva/
Heydər Əliyev Fondunun dəstəyi və Mədəniyyət və Turizm Nazirliyinin təşkilatçılığı ilə Bakıda VI Mstislav Rostropoviç Beynəlxalq Musiqi Festivalı keçiriləcək.
Trend cümə günü nazirliyin rəsmi saytına istinadən xəbər verir ki, Festival dekabrın 3-9-da keçiriləcək. Bu festival 2007-ci ilin dekabr ayından keçirilir.
Bu il Festivalda Rusiya, İtaliya, Böyük Britaniyadan dünya şöhrətli musiqiçilər və kollektivlər - Zubin Meta, Enriko Dindo, Maksim Vengerov, Plamena Mangova, Sergey Krılov, Badri Maysuradze, Canluka Marçiano, Stüart Nil, Rauf Abdullayev, Fuad İbrahimov, Elvin Hoca Qəniyev, Maggio Musicale Fiorentino simfonik orkestri, İngilis və Litva kamera orkestrləri, eyni zamanda Ü.Hacıbəyli adına Azərbaycan Dövlət Simfonik Orkestri iştirak edəcək.