Azərbaycan, Bakı, 9 sentyabr /Trend, müxbir Anaxanım Hidayətova/
Kolumbiyanın Azərbaycandakı səfirliyi bu ölkənin mədəniyyətinə həsr edilmiş gecə təşkil edir. Bu barədə Trend səfirliyə istinadən məlumat verir.
Tədbir "Tato Marenco y Vía 40" qrupunun musiqili müşayiəti ilə keçəcək. Qonaqlar Barrankilyadan olan tanınmış şef-aşpaz İvan Fransisko Eskobarın hazırladığı Kolumbiya mətbəxinin ənənəvi təamlarını dada biləcəklər.
Tədbirdə Azərbaycan nümayəndələrindən başqa, Kolumbiya icmasının üzvləri və Kolumbiyanın Azərbaycandakı dostları iştirak edəcəklər.