...

Şüvəlan qəsəbə Mədəniyyət evində kinoteatr fəaliyyətə başlayıb

Mədəniyyət Materials 14 Fevral 2017 14:14 (UTC +04:00)
Bakı Şəhər Mədəniyyət və Turizm Baş İdarəsinin Şüvəlan qəsəbə Mədəniyyət evində kinoteatr fəaliyyətə başlayıb.
Şüvəlan qəsəbə Mədəniyyət evində kinoteatr fəaliyyətə başlayıb

Bakı. Trend:

Bakı Şəhər Mədəniyyət və Turizm Baş İdarəsinin Şüvəlan qəsəbə Mədəniyyət evində kinoteatr fəaliyyətə başlayıb.

İdarədən Trend-ə verilən məlumata görə, kinoteatrın 300 nəfərlik zalı Şüvəlan və ətraf qəsəbə sakinlərinin asudə vaxtlarını daha maraqlı və əyləncəli keçirmələri üçün imkan yaradır. Kinotetrda ilk ictimai baxış rejissor Elxan Cəfərovun “Yarımçıq xatirələr” adlı filmi olub.

Kinoteatrda martın sonunadək Cəfər Cabbarlı adına "Azərbaycanfilm” kinostudiyasının “Bizim kino günləri” layihəsi çərçivəsində “Yarımçıq xatirələr” (3-8 fevral), “Qatil” (9-15 fevral), “İçəri şəhər” (16-22 fevral), “Axınla aşağı” (23 fevral-1 mart), “Xeyirlə şərin rəqsi” (2-8 mart), “Dərs” (9-15 mart), “Qırmızı bağ” (16-22 mart), “Yaddaş” (23-29 mart) filmləri nümayiş olunacaq. Biletlərin qiyməti 2 AZN təşkil edir, 6 yaşa qədər uşaqlar üçün giriş pulsuzdur.

Həmçinin, kinoteatrda komediya, dram, fantastik janrlarda olan filmlər, azyaşlı tamaşaçılar üçün isə cizgi filmləri nümayiş olunacaq.

Məqalədə:
Xəbər lenti

Xəbər lenti