Bakı. Cani Babayeva - Trend:
Türkiyənin kino ulduzu Burak Özçivit növbəti dəfə Azərbaycan paytaxtına gələcək.
Trend-in məlumatına görə, tanınmış aktyorun Bakıya üçüncü səfəri yeni "Mənim qardaşım - 2" ("Kardeşim Benim 2") filminin təqdimatı ilə bağlıdır. Baş rolları B.Özçivit və Murat Boz ifa ediblər.
Filmin qala-gecəsi noyabrın 30-da keçiriləcək.
Qeyd edək ki, "Mənim qardaşım"ın birinci hissəsinin premyerası B.Özçivitin və tanınmış aktrisa Əsli Ənvərin iştirakı ilə Bakıda ötən ilin fevralında keçirilmişdi.
